Habari Muhimu Zilizotufikia

Uma wa Soma, ni Uma wa kutekeleza Majukumu yake Ipasavyo Baina ya Wanachuoni wa Uma na Wanachuoni wa Fitina

Sifa zote njema ni zake Mwenyezi Mungu Mtukufu Mola wa Viumbe vyote anaesema katika Kitabu chake Kitukufu:

{قُلْ هَلْ يَسْتَوِي الَّذِينَ يَعْلَمُونَ وَالَّذِينَ لَا يَعْلَمُونَ إِنَّمَا يَتَذَكَّرُ أُولُو الْأَلْبَابِ}

Sema: Ati watakuwa sawa wale wanao jua na wale wasio jua? Hakika wanao kumbuka ni watu wenye akili.

Na ninashuhudia ya kuwa hakuna Mungu mwingine anaestahiki kuabudiwa kwa Haki isipokuwa Mwenyezi Mungu Mtukufu, aliye peke yake na wala hana mshirika wake, na ninashuhudia ya kuwa Bwana wetu na Mtume wetu Muhammad ni Mja na Mjumbe wake. Ewe Mola wetu, tunakuomba umswalie, umrehemu na umbariki yeye na Jamaa zake na Maswahaba wake wote.

Na baada ya Utangulizi huu:

Uislamu umehimiza utafutaji wa Elimu na umehikiza pia bidii na jitihada katika kujipatia hiyo Elimu, na hakuna dalili bora zaidi kuliko aya ya kwanza kuteremshwa katika Quran tukufu nalo ni kauli yake Mwenyezi Mungu Mtukufu:

{اقْرَأْ بِاسْمِ رَبِّكَ الَّذِي خَلَقَ * خَلَقَ الْإِنْسَانَ مِنْ عَلَقٍ * اقْرَأْ وَرَبُّكَ الْأَكْرَمُ * الَّذِي عَلَّمَ بِالْقَلَمِ * عَلَّمَ الْإِنْسَانَ مَا لَمْ يَعْلَمْ}

Soma kwa jina la Mola wako Mlezi aliye umba, Amemuumba binaadamu kwa tone la damu, Soma! Na Mola wako Mlezi ni Karimu kushinda wote! Ambaye amefundisha kwa kalamu. Kamfundisha mtu aliyo kuwa hayajui.

Kwa hiyo amri ya Kwanza ya Mwenyezi Mungu Mtukufu iliyoteremshwa katika Wahyi ni Kusoma ambako ndio mlango wa kwanza katika milango ya Elimu. Kisha baada ya hapo ikaja ishara ya kalamu ambayo ndiyo njia ya kuandikia Elimu na kuinukulu kwake. Na katika hili kuna msisitizo kwa Watu wote juu ya ubainishaji

Hakika ya Wanachuoni Wakweli wa Uma huu, wautumia Wakati wao wote na juhudi zao, na wakatuletea Elimu yao wakiitumikia Dini na Nchi yao, na wakawapitisha Watu njia ya Ukati na Uuwiano, Usamehevu na Huruma, na Ulinganiaji wao ukaleta Matunda makubwa yenye manufaa kwa vizazi na vizazi, vizazi vinavyojenga na wala havibomoi, vinatengeneza na haviharibu, vinayaweka juu Maadili ya Kibinadamu, na kuinyanyua juu Heshima ya Mwanadamu, na amani na usalama. Na hii ndio Elimu yenye manufaa ambayo inakuwa akiba kwa mwenye nayo anapofariki. Anasema Mtume wetu S.A.W: Mtu anapofariki, matendo yake yote hukatika usipokuwa Mambo Matatu: Sadaka endelevu, ay Elimu inayowanufaisha Watu, au Mtoto Mwema atakayemwombea.

Na Mtume S.A.W: alikuwa anamuomba Mwenyezi Mungu Mtukufu amuepushe na Elimu isiyokuwa na Manufaa, na wala haijengi wala haifundishi maadili na mwenendo Mzuri, na Mtume S.A.W, alikuwa anasema: Muombeni Mwenyezi Mungu Mtukufu, akupeni Elimu yenye manufaa, na mjikinge kwa Mwenyezi Mungu Mtukufu na Elimu isiyokuwa na Manufaa.

Na moja ya Dua zake Mtume S.A.W: Ewe Mola wangu ninajikinga kwako na Elimu isiyokuwa na Manufaa, na Moyo usio kuwa na uchamungu, na nafsi isiyotosheka, na Dua isiyojibiwa.

Ninaisema kauli yangu hii na ninamwomba Mwenyezi Mungu Mtukufu anisamehe mimi na akusameheni na nyinyi.

* * *

Sifa njema ni zake Mwenyezi Mungu Mtukufu, Mola Mlezi wa Viumbe vyote. Na ninashuhudia ya kuwa hakuna Mungu mwingine anaestahiki kuabudiwa kwa Haki isipokuwa Mwenyezi Mungu Mtukufu, aliye peke yake na wala hana mshirika wake, na ninashuhudia ya kuwa Bwana wetu na Mtume wetu Muhammad ni Mja na Mjumbe wake. Ewe Mola wetu, tunakuomba umswalie, umrehemu na umbariki yeye na Jamaa zake na Maswahaba wake wote, na kila atakaewafuata kwa Wema mpaka Siku ya Mwisho.

Ndugu zangu Waislamu.

Hakika Wanachuoni wenye moyo msafi ndio watu wa Mwongozo Mwema, Mwenendo Mwema, na Nia njema na Uuwianifu, Watu ambao wanaibeba bendera ya Ukati katika kila zama na wanaiepusha Dini Tukufu ya Mwenyezi Mungu Mtukufu na Uvurugaji wa Wenye misimamo mikali, na tafsiri potofu pamoja na kuwaiga wapotoshaji.

Kwa upande wa Wanachuoni wa Fitina ambao wameifanya Dini kama njia ya kuyafikia malengo yao na kufikia wanayoyakusudia, basi hao ndio waliothubutu dhidi ya Dini ya Mwenyezi Mungu Mtukufu na wakarusha makombora ya Fatwa ambayo yanadhuru na wala hayanufaishi, na yanawagawa watu na wala hayawaunganishi, na yanabomoa na wala hayajengi, na yanaufungulia Uma mlango wa kukufurisha ambao Uislamu umetutahadharisha tusiuingie mlango huo. Anasema Mtume S.A.W: Mtu yoyote atakaemwambia nduguye: Ewe Kafiri, basi mmoja wao atakuwa katika hali hiyo, ikiwa kama alivyosema ni vizuri, ni ikiwa kinyume na alivyosema basi kauli hiyo itamrejea yeye mwenyewe.

Wanachuoni wa Fitna wameufanya Ukali wa kutoa Fatwa, Ubishi Kuwabana watu, kama ni Mfumo wao; na huu ni Mfumo ulio mbali sana na Uislamu wenye Usamehevu na Ukati wa Mambo. Uislamu umewaondoshea Watu kila aina ya Uzito na ukawaowekea mbali aina zote za Ugumu wa Mambo.

Ambapo anasema Mwenyezi Mungu Mtukufu:

{وَمَا جَعَلَ عَلَيْكُمْ فِي الدِّينِ مِنْ حَرَجٍ}

Wala hakuweka juu yenu mambo mazito katika Dini.

Na anasema Mtume S.A.W: Peaneni habari njema na wala msipeane habari mbaya, na mrahishiane na wala msisababishiane uzito.

Kwa hiyo ukali wa kutoa Fatwa unakwenda kinyume na Ukati wa Uislamu wenye Usamehevu na ambao Dini Tukufu ya Uislamu inajipambanua kwayo. Anasema Mwenyezi Mungu Mtukufu:

{وَكَذَلِكَ جَعَلْنَاكُمْ أُمَّةً وَسَطًا لِتَكُونُوا شُهَدَاءَ عَلَى النَّاسِ}

a vivyo hivyo tumekufanyeni muwe Umma wa wasitani, ili muwe mashahidi juu ya watu…

Na Ukati una maana ya Uadilifu, Uwastani na kujiepusha na Kujikweza ambako ni sababu ya kuangamia kwa Mataifa. Mtume S.A.W, anasema: Enyi Watu, jiepusheni na kujikweza katika Dini, hakika mambo yalivyo, huko kujikweza katika Dini kuliwaangamiza waliokuwa kabla yenu.

Na amesema Sufiyani Thauriy R.A: Hakika elimu kwetu sisi ni kibali cha Fiqhi na ama ukali katika Dini kila mmoja wetu anauweza vizuri sana.

Na wanaoandamana na Wanachuoni wa Fitna ni Wanachuoni wa kupotosha wanaozungumza bila ya kuwa na Elimu, na wala hawajazinduka na kuijua haja ya Uma ya kufuata njia bora kabisa a za maendeleo na hawajatambua ya kwamba Ujenzi wa Dunia ni katika Malengo Makuu ya Dini zote, na kwamba Watu hawataiheshimu Dini yetu kama hatutafanikiwa katika Dunia yetu. Na tukifanikiwa katika Dunia yetu basi watu wataiheshimu Dini na Dunia yetu kisha akawarahisishia wale wasioutambua hivyo, Mawaidha kwa ajili ya tahadhari ya wazi kutokan na Dunia yao kwa kuwasababishia wengi katika Watu kuangukia katika Ufahamu wenye Makosa wa Uhusiano wa Dini na Dunia na Umuhimu wa kutumia njia za mafanikio, wakaelewa maana potofu ya kuupa nyongo Ulimwengu Kwamba eti ni kujitenga kabisa na Maisha, na huku wakiwa wameghafilika na kauli ya Mwenyezi Mungu Mtukufu anayosema:

{رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ}

Mola wetu Mlezi, tupe duniani mema, na Akhera mema, na utulinde na adhabu ya Moto

Hakika sisi tunasisitiza kwamba uthubutu wa kutoa Fatwa kwa wasio kuwa na sifa ya kufanya hivyo Kielimu ni upotofu na upotoshaji. Wingu ulioje wa Fatwa zilizotolewa bila ya Elimu na kusababisha madhara makubwa sana kwa Maisha ya watu. Kutoka kwa Jabir bin Abdillah R.A, amesema: Tulikuwa safarini na mmoja wetu akaumizwa na jiwe lililompiga kichwani na likamuumiza, kisha akaota ndoto ya kuingilia mwanamke, na akawauliza wenzake: Je mnaniruhusu nitayamamu? Wakasema: Hatuwezi kukuruhusu wakati Wewe una uwezo wa kuoga, basi mtu yule akaoga na akafa. Na tilipofika kwa Mtume S.A.W, tukamweleza juu ya tukio lile, na akasema: Wamemuua, na Mwenyezi Mungu atawaua. Kwanini wasiulize wasichokijua, kwani hakika mambo yalivyo, tiba ya ujinga ni kuuliza, ilimtosha mtu yule Kutayamamu na kukamua kidonda chake, au akafunga kitambaa juu ya jeraha lake kisha akapangusa juu yake na akaosha sehemu ya mwili iliyobakia. Haja iliyoje kwa kila mmoja wetu kufuata ubobezi wake, na ajitahidi katika yale anayoyaweza vizuri, kwa ajili ya kumwogopa Mwenyezi Mungu Mtukufu, na kwa ajili ya kuiheshimu Elimu, na kwa kuijali hatari ya Neno. Ni maneno mangapi yaliyosemwa na mtu bila ya Elimu, na ikawa sababu ya uharibifu, maangamizi, na Ufisadi. Kwani kunyamaza ni bora zaidi kuliko kuzungumza maneno yanayosababisha madhara kuliko kunufaisha, na kama mtu asiyejua angenyamaza basi pasingelikuwapo hitilafu. Mtume wetu Muhammad S.A.W, anasema: …na anaemwamini Mwenyezi Mungu Mtukufu na Siku ya Mwisho basi na aseme maneno mazuri au anyamaze.

Ewe Mola wetu tunakuomba utuoneshe Ukweli na uturuzuku kuufuata, na utuoneshe batili na uturuzuku jinsi ya kujiepusha, na utufundishe mambo yanayotunufaisha na utunufaishe kwa uliyotufundisha, na utuzidishie Elimu, na uilinde nchi yetu na nchi zote Duniani.

 

 

 

Miongoni mwa Mifumo ya Mwenyezi Mungu Mtukufu Ulimwengu ni kutumia njia zinazounda Sababu

Sifa zote njema ni zake Mwenyezi Mungu Mtukufu Mola wa Viumbe vyote anaesema katika Kitabu chake Kitukufu:

{وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ وَسَتُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُم بِمَا كُنتُمْ تَعْمَلُونَ}

 Na sema: Tendeni vitendo. Na Mwenyezi Mungu, na Mtume wake, na Waumini wataviona vitendo vyenu. Na mtarudishwa kwa Mwenye kujua siri na dhaahiri; naye atakuambieni mliyo kuwa mkiyatenda.

Na ninashuhudia kuwa hakuna Mungu mwingine anaestahiki kuabudiwa kwa Haki isipokuwa Mwenyezi Mungu Mtukufu peke yake na hana mshirika wake, na ninashuhudia kuwa Bwana wetu na Mtume wetu Muhammad ni Mja na Mjumbe wake. Ewe Mola wetu msalie na marehemu na umbariki Bwana wetu na Jamaa zake na Maswahaba wake wote.

Na baada ya Utangulizi huu:

Mwenyezi Mungu Mtukufu ameujaaoia Ulimwengu huu aina mbalimbali za mifumo na misingi inayouongoza Ulimwengu huu, na inayouendesha, hakuna kinachokitangulia kingine, kilicho mbele kiko mbele na kilicho nyuma kiko nyuma. Anasema Mwenyezi Mungu Mtukufu katika Kitabu chake Kitukufu:

 {لَا الشَّمْسُ يَنبَغِي لَهَا أَن تُدْرِكَ الْقَمَرَ وَلَا اللَّيْلُ سَابِقُ النَّهَارِ وَكُلٌّ فِي فَلَكٍ يَسْبَحُونَ}

Haliwi jua kuufikia mwezi, wala usiku kuupita mchana. Na vyote vinaogelea katika njia zao.

Na anasema Mwenyezi Mungu Mtukufu:

{فلَن تَجِدَ لِسُنَّتِ اللَّهِ تَبْدِيلًا وَلَن تَجِدَ لِسُنَّتِ اللَّهِ تَحْوِيلًا}

Basi hutapata mabadiliko katika mtindo wa Mwenyezi Mungu. Wala hutapata mageuko katika mwendo wa Mwenyezi Mungu.

Na Mwenyezi Mungu Mtukufu ameijaalia mifumo hii kuwa ni kama vipimo vya kupimia Misingi ya Maisha na kupitia mifumo hiyo Ulimwengu huu unajengeka na unalindwa kwayo, ambapo hili ni moja ya Malengo Makuu ya Kuumbwa kwetu. Anasema Mwenyezi Mungu Mtukufu:

{هُوَ أَنشَأَكُم مِّنَ الْأَرْضِ وَاسْتَعْمَرَكُمْ فِيهَا}

Yeye ndiye aliye kuumbeni katika ardhi, na akakuwekeni humo

Na anasema Mwenyezi Mungu Mtukufu:

{وَلَا تُفْسِدُوا فِي الْأَرْضِ بَعْدَ إِصْلَاحِهَا}

Wala msifanye uharibifu katika nchi baada ya kuwa imekwisha tengenezwa.

Hakuna shaka yoyote kwamba Mataifa ambayo yameutambua ukweli wa mifumo hii ya Mwenyezi Mungu Mtukufuna yakaifanyia kazi ipasavyo, yakefanikiwa kuongoza hata kama sio ya kiislamu, bali hata kama hayana Dini; kwani mifumo hii haimpendelei mtu yoyote na kukisifia kiumbe chochote.

Na katika Mifumo ya Mwenyezi Mungu ya Ulimwengu huu ni: kutumia njia au sababu za mafanikio; Mwenyezi Mungu Mtukufu ameziumba Sababu na visababishaji vyake, na akatuamrisha tuzitumie Sababu hizo, na  kwa hivyo, zinapopatikana sababu hizo  mafanikio nayo hupatikana. Na hii ni kanuni kuu inayofanya kazi katika Ulimwengu wote, wakati wowote na sehemu yoyote. Kila kitu kina sababu yake. Moto kwa mfano, ni sababu ya kuungua, na kuua ni sababu ya kifo, na kulima na kupanda mbegu ni sababu ya kulima, na kula ni sababu ya kushiba, na kufanya Kazi kwa juhudi na bidii ni sababu ya kufanikiwa, na uvivu, uzembe na upuuziaje ni sababu za kushindwa kuendelea. Na hivyo ndivyo ilivyo.

Hakika Amri ya kufanya juhudi Duniani na kufanya Kazi ni Faradhi katika Dini ya Uislamu. Na ni Wajibu wa Kisheria na wa Kitaifa. Anasema Mwenyezi Mungu Mtukufu kuhusu jambo hili:

{هُوَ الَّذِي جَعَلَ لَكُمُ الْأَرْضَ ذَلُولًا فَامْشُوا فِي مَنَاكِبِهَا وَكُلُوا مِن رِّزْقِهِ وَإِلَيْهِ النُّشُورُ}

Yeye ndiye aliye idhalilisha ardhi kwa faida yenu, basi tembeeni katika pande zake, na kuleni katika riziki zake. Na kwake Yeye ndio kufufuliwa.

Na anasema Mwenyezi Mungu Mtukufu:

{فَإِذَا قُضِيَتِ الصَّلَاةُ فَانتَشِرُوا فِي الْأَرْضِ وَابْتَغُوا مِن فَضْلِ اللَّهِ وَاذْكُرُوا اللَّهَ كَثِيرًا لَّعَلَّكُمْ تُفْلِحُونَ}

Na itakapo kwisha Sala, tawanyikeni katika nchi mtafute fadhila za Mwenyezi Mungu, na mkumbukeni Mwenyezi Mungu kwa wingi ili mpate kufanikiwa.

Na hii ndio maana halisi ya Juhudi na Bidii na Jitihada, na Ujenzi wa Ardhi, katika Dini ya Uislamu. Hatuna hoja yoyote pale tunapoachwa nyuma kimaendeleo, chini ya Madai yoyote yasiyokuwa na uhusiano wowote na Dini yetu Tukufu. Hakika ukweli wa Miito hiyo ni ya uvivu na uzembe na kuachwa nyuma kimaendeleo.

Na mtu yoyote mwenye kuizingatia Sira ya Mitume na Watu wema, atakuta kuwa wao walijitahidi katika kuzitumia njia au sababu za mafanikio katika mambo yote ya Maisha yao. Tunamwona Mtume wetu Nuhu A.S, alikuwa fundi seremala, na baada ya umri mrefu wa kuwalingania Watu wake, Mwenyezi Mungu Mtukufu alimuamrisha atengeneze Meli. Anasema Mwenyezi Mungu Mtukufu:

{وَاصْنَعِ الْفُلْكَ بِأَعْيُنِنَا وَوَحْيِنَا وَلَا تُخَاطِبْنِي فِي الَّذِينَ ظَلَمُوا إِنَّهُم مُّغْرَقُونَ}

Na unda jahazi mbele ya macho yetu na kwa mujibu wa ufunuo wetu. Wala usinisemeze kuwatetea walio dhulumu. Kwani hao bila ya shaka watazamishwa.

Na ilikuwa inawezekana kuokolewa na Mwenyezi Mungu Mtukufu kwa uwezo wake bila ya sababu au kazi yoyote, lakini Mwenyezi Mungu Mtukufu anatuonesha na kutufundisha jinsi ya kutumia sababu, na Mtume Nuhu A.S, akaiitikia amri ya Mola wake Mlezi, na akawa anatengeneza Meli na wala hakuzembea hata kidogo ingawa watu wake walimdharau na kukebehi. Anasema Mwenyezi Mungu Mtukufu:

{وَيَصْنَعُ الْفُلْكَ وَكُلَّمَا مَرَّ عَلَيْهِ مَلأٌ مِنْ قَوْمِهِ سَخِرُوا مِنْهُ قَالَ إِنْ تَسْخَرُوا مِنَّا فَإِنَّا نَسْخَرُ مِنْكُمْ كَمَا تَسْخَرُونَ}

Na akawa anaunda jahazi, na kila wakipita wakuu wa kaumu yake wakimkejeli. Yeye akasema: Ikiwa nyinyi mnatukejeli na sisi tunakukejelini kama mnavyo tukejeli.

Na aliendelea na kazi yake na Mwenyezi Mungu Mtukufu akamlipa kwa kukuokoa yeye na Waumini katika Watu wake. Na Mtume wetu Daudi A.S, alikuwa Mhunzi, alifundishwa kazi hiyo na Mwenyezi Mungu Mtukufu, kazi ambayo athari na manufaa yake yanarejeakwake na kwa watu wake. Anasema Mwenyezi Mungu Mtukufu:

{وَلَقَدْ آتَيْنَا دَاوُودَ مِنَّا فَضْلًا يَا جِبَالُ أَوِّبِي مَعَهُ وَالطَّيْرَ وَأَلَنَّا لَهُ الْحَدِيدَ * أَنِ اعْمَلْ سَابِغَاتٍ وَقَدِّرْ فِي السَّرْدِ وَاعْمَلُوا صَالِحًا إِنِّي بِمَا تَعْمَلُونَ بَصِيرٌ}

Na tulimpa Daudi fadhila kutoka kwetu, (tukasema): Enyi milima! Karirini kumtakasa Mwenyezi Mungu pamoja naye! Na ndege pia. Na tukamlainishia chuma

(Tukamwambia:) Tengeneza nguo za chuma pana, na kadiria sawa katika kuunganisha. Na tendeni mema. Hakika Mimi nayaona vyema mnayo yatenda.

Na anasema Mtume S.A.W: Hakuna Kamwe Mtu yoyote aliyekula chakula kilicho bora zaidi kuliko kula Mtu huyo kutokana na kazi ya mikono yake, na kwamba Mtume Daudi A.S, alikuwa anakula chakula kinachotokana na kazi ya mikono yake.

Na katika Kisa cha Nabii wa Mwenyezi Mungu Mtukufu, Yusuf A.S, matumizi ya njia au sababu pamoja na mipango mizuri vilikuwa ndio sababu ya yeye kuiokoa nchi na watu kutokana na njaa inayoangamiza na hatari ya wazi iliyokuwa inawanyemelea. Mtume Yusufu A.S, alitumia njia au sababu na akauandaa mkakati wake mrefu ulioudurusiwa, kwa ajili ya kuiokoa nchi kutokana na njaa kali iliyoenea Duniani kwa wakati huo, na nchi yake ikajipatia utajiri na maisha Mazuri, ulinzi na nguvu za kiuchumi, na ikawapokea watu kutoka pande mbalimbali za Dunia ili wajipatie heri iliyomo Misri. Na Qurani Tukufu imetueleza hayo kupitia Ulimi wa Nabii Yusufu, katika kauli yake Mwenyezi Mungu Mtukufu:

{قَالَ تَزْرَعُونَ سَبْعَ سِنِينَ دَأَبًا فَمَا حَصَدتُّمْ فَذَرُوهُ فِي سُنبُلِهِ إِلَّا قَلِيلًا مِّمَّا تَأْكُلُونَ * ثُمَّ يَأْتِي مِن بَعْدِ ذَلِكَ سَبْعٌ شِدَادٌ يَأْكُلْنَ مَا قَدَّمْتُمْ لَهُنَّ إِلَّا قَلِيلًا مِّمَّا تُحْصِنُونَ * ثُمَّ يَأْتِي مِن بَعْدِ ذَلِكَ عَامٌ فِيهِ يُغَاثُ النَّاسُ وَفِيهِ يَعْصِرُونَ}

Akasema: Mtalima miaka saba kwa juhudi. Mtacho vuna kiwacheni katika mashuke yake, isipo kuwa kidogo mtacho kula. Kisha itakuja baadaye miaka saba ya shida itakayo kula kile mlicho iwekea isipo kuwa kidogo mtacho kihifadhi. Kisha baada ya haya utakuja mwaka ambao katika mwaka huo watu watasaidiwa, na watakamua.

Na tunamwona Bi Maryam A.S, aliyekuwa anajiwa na riziki nyingi kwa namna ya iliyomshangaza Nabii wa Mwenyezi Mungu Mtukufu, Zakariya A.S, na akamwambia Bi Maryam, kama inavyotuambia Qurani Tukufu:

{كُلَّمَا دَخَلَ عَلَيْهَا زَكَرِيَّا الْمِحْرَابَ وَجَدَ عِندَهَا رِزْقًا قَالَ يَا مَرْيَمُ أَنَّى لَكِ هَذَا قَالَتْ هُوَ مِنْ عِندِ اللَّهِ إِنَّ اللَّهَ يَرْزُقُ مَن يَشَاءُ بِغَيْرِ حِسَابٍ}

Kila mara Zakariya alipo ingia chumbani kwake alimkuta na vyakula. Basi alimwambia: Ewe Maryamu! Unavipata wapi hivi? Naye akasema: Hivi vinatoka kwa Mwenyezi Mungu; na Mwenyezi Mungu humruzuku amtakaye bila ya hisabu.

Na katika tukio jingine, pamoja na udhaifu wake na maumivu makali,  Bi Maryam anaamrishwa na Mwenyezi Mungu Mtukufu, autikise ule mtende ili matunda yake yapate kumdondokea, na kama Mwenyezi Mungu Mtukufu angetaka Matunda hayo yadondoke bila ya Bi Maryam kufanya kitu chochote, basi angelifanya hivyo, lakini yeye Mwenyezi Mungu Mtukufu, anatufundisha jinsi ya kuutumia njia au sababu na kujitahidi. Anasema Mwenyezi Mungu Mtukufu:

{وَهُزِّي إِلَيْكِ بِجِذْعِ النَّخْلَةِ تُسَاقِطْ عَلَيْكِ رُطَبًا جَنِيًّا}

Na litikise kwako hilo shina la mtende, utakuangushia tende nzuri zilizo mbivu.

Anasema Mshairi:

Mtegemee Mwenyezi Mungu Mtukufu katika kila kitu

Wala usipende kushindwa hata siku moja kumwomba

Je huoni asemavyo Mwenyezi Mungu kwa Bi Maryam

Na utikise mti huo ili ukudondoshe tende mbivu

Na kama Mungu, angelitaka Maryamu azipate bila kutikisa mti

Angelizichuma lakini kila kitu kina sababu yake.

Na Mtume wetu Karimu ametutolea mifano mizuri sana ya kutumia njia au sababu za kufanikisha mambo yetu, na hasa katika Hijra yake iliyobarikiwa ya kuelekea Madina, kwa namna ambayo aliufundisha Uma wake jinsi ya kuweka mikakati iliyopangwa kwa kina kwamba ni muhimu sana yanayoleta mafanikio, na kuivuka migogoro mbalimbali. Mtume S.A.W, aliandaa safari mbili, na akamteua Mwenza Mwaminifu, akapanga wakati na sehemu ya kutokea inayofaa, wakiondokea nyumbani kwa Abuu Bakar R.A, na akamchagua Mwongozaji mwenye umahiri mkubwa kwa Imani yake Mtume S.A.W, ya kuwatanguliza Wenye Elimu ya mambo, na kuwekeza katika Nishati, bila kujali tofauti za kifikra au mitazamo au hata Akida za watu. Kisha Mtume S.A.W, akampa Aamir bin Fuhairah R.A, jukumu la kufuatilia nyayo zao na kuzificha kama njia au sababu, huku akitambua fika kuwa Mwenyezi Mungu Mtukufu ni Mlezi kwake yeye na Mwenzake. Isipokuwa Mtume S.A.W, alikuwa anataka kutufundisha jinsi ya kutumia njia au sababu, kisha kumwachia jambo hilo Mwenyezi Mungu Mtukufu.

Ninaisema kauli yangu hii na ninamwomba Mwenyezi Mungu Mtukufu msamaha kwa ajili yangu na kwa ajili yenu.

* * *

Sifa zote njema ni zake Mwenyezi Mungu Mtukufu, Mola wa viumbe vyote. Na ninashuhudia kuwa hakuna Mungu mwingine anaestahiki kuabudiwa kwa Haki isipokuwa Mwenyezi Mungu Mtukufu peke yake na hana mshirika wake. Na ninashuhudia kuwa Bwana wetu na Mtume wetu Muhammad ni Mja na Mjumbe wake. Ewe Mola wetu msalie na marehemu na umbariki Bwana wetu na Jamaa zake na Maswahaba wake wote, na kila atakaewafuata mpaka siku ya Malipo..

Ndugu zangu Waislamu:

Hakika matumizi ya Sababu au njia hayapingani na kumtegemea Mwenyezi Mungu Mtukufu. Hakika mwenyekuujua ukweli wa kumtegemea Mwenyezi Mungu Mtukufu atajitahidi sana katika kuzitumia njia au sababu za mafanikio. Mwenye kumtegemea Mwenyezi Mungu Mtukufu kweli kweli, ni yule anaye zitumia njia au sababu za kuleta mafanikio yake, akaitumia nishati aliyo nayo pamoja na juhudi pevu kisha naoirejesha suala lake kwa Mwenyezi Mungu Mtukufu, Muwafikishaji na Mwenye Fadhili na Msaada. Anasema Mwenyezi Mungu Mtukufu:

{إِيَّاكَ نَعْبُدُ وَإِيَّاكَ نَسْتَعِينُ}

Wewe tu tunakuabudu, na Wewe tu tunakuomba msaada

Katika utekelezaji wa maana ya Kumtegemea Mwenyezi Mungu Mtukufu kwa vitendo, anasema Mtume S.A.W: Kama mngelimtegemea Mwenyezi Mungu Mtukufu ukweli wa kumtegemea, angelikuruzukuni kama anavyowaruzuku Ndege. Wao huruka wakiwa na njaa na hurejea hali ya kuwa matumbo yao yakiwa yamejaa.

Kwa kawaida ndege huwa hawalimbikizi chakula au maji, lakini pia wao sio wazembe wa kuhangaika na kuitafuta riziki yao. Wao huanza asubuhi na mapema, kuhangaika na kutoka na kutafuta riziki, na hurejea wakiwa wameruzukiwa na Mwenyezi Mungu Mtukufu kutokana na fadhili zake, riziki inayowatosha. Kwa hiyo ndege hutoka na kurejea. Na jambo hili ni Silika na maumbile sambamba na harakati za maisha. Kama angelikuwa ana chakula cha kumtosha umri wake wote asingezembea na kuwa mvivu kwa kuomba dua tu, bali angeendelea na juhudi zake pamoja na utafutaji wa riziki yake kwa kutoka kila siku asubuhi.

Mtume S.A.W, alikua anajua Maana halisi ya kuzitumia sababu katika mambo yote na alikuwa anazuia uzembe na utegemezi ambao kwa kawaida unadhuru na hauna faida yoyote, na wala hatuzidishi tunaposema kwamba: Hakika sisi tunapata madhambi na tunajidhulumu sisi wenyewe na watoto wetu pale tunapoacha kuzitumia sababu za Maendeleo na maisha bora. Kwa hiyo Dini yetu ni Dini ya Elimu na Maisha bora na Ustaarabu na Uzuri na Manufaa kwa Watu wote. Kuna mtu mmoja alimwambia Mtume S.A.W: Ewe Mtume wa Mwenyezi Mungu Mtukufu, Je mimi nimwache huru ngamia wangu na kisha nimtegemee Mwenyezi Mungu anilindie? Mtume S.A.W, akamwambia: Mfunge Mnyama wako kisha umtegemee Mwenyezi Mungu Mtukufu. Yule Mtu akamfunga Mnyama wake akiitumia njia au sababu ya kutompoteza Mnyama wake huyo, kwani kutomfunga ni jambo linaloweza kupelekea kuibiwa kwa mnyama huyo au kumpoteza.

Ewe Mwenyewe Mungu Mtukufu, tunakuomba utufanikishie Mambo yanayoifaa Dini yetu na kuwainua watu wetu na kuimarika kwa maendeleo ya nchi zetu na zote Duniani.

 

Haki za Wazazi Wawili na Ndugu

.

Sifa zote njema ni zake Mwenyezi Mungu Mtukufu Mola wa Viumbe vyote, anaesema katika Kitabu chake Kitukufu:

{وَقَضَى رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلَاهُمَا فَلَا تَقُل لَّهُمَا أُفٍّ وَلَا تَنْهَرْهُمَا وَقُل لَّهُمَا قَوْلًا كَرِيمًا * وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيرًا}

Na Mola wako Mlezi ameamrisha kuwa msimuabudu yeyote ila Yeye tu, na wazazi wawili muwatendee wema. Mmoja wao akifikia uzee, naye yuko kwako, au wote wawili, basi usimwambie hata: Ah! Wala usiwakemee. Na sema nao kwa msemo wa hishima. Na uwainamishie bawa la unyenyekevu kwa kuwaonea huruma. Na useme: Mola wangu Mlezi! Warehemu kama walivyo nilea utotoni.

Na ninashuhudia kuwa hakuna Mungu mwingine anaestahiki kuabudiwa kwa Haki isipokuwa Mwenyezi Mungu Mtukufu, yeye pekee asiye na mshirika wake. Na ninashuhudia kuwa Bwana wetu na Mtume wetu Muhammad ni Mja na Mjumbe wake. Ewe Mola wetu mjaalie rehma na amani na umbariki yeye na Jamaa zake na Maswahaba wake wote.

Na baada ya Utangulizi huu:

Uilsamu umekuja kwa risala ya usamehevu, inayowalingania watu tabia njema, na kuwawekea misingi mizuri na kuwaongoza katika kila mwenendo ulionyooka, na kuyafanya maadili na ruwaza za hali ya juu kuwa ndio mfumo wa maisha, unaodhibiti kipimo cha kuishi pamoja baina ya watu wote, kwa uadilifu, huruma, upendo na utu, ambapo anasema Mwenyezi Mungu Mtukufu:

 {إِنَّ اللَّهَ يَأْمُرُ بِالْعَدْلِ وَالْإِحْسَانِ وَإِيتَاءِ ذِي الْقُرْبَى وَيَنْهَى عَنِ الْفَحْشَاءِ وَالْمُنكَرِ وَالْبَغْيِ يَعِظُكُمْ لَعَلَّكُمْ تَذَكَّرُونَ}

Hakika Mwenyezi Mungu anaamrisha kufanya uadilifu, na hisani, na kuwapa jamaa; na anakataza uchafu, na uovu, na dhulma. Anakuwaidhini ili mpate kukumbuka.

Na miongoni mwa alama za Utukufu wa Uislamu ni kwamba wenyewe umeweka misingi na masharti na haki za kuwatendea wazazi wawili na ndugu; kwani wazazi wawili wana haki zaidi ya kuheshimiwa katika watu, na kuwajali na kuwatunza. Mwenyezi Mungu Mtukufu ametuamrisha katika Kitabu chake Kitukufu kuwatendea wema wazazi wawili, na kuwa mwema kwao, na Mwenyezi Mungu Mtukufu, akakusanya baina ya hili na amri ya kumwabudu yeye na kutomshirikisha na kitu chochote, ambapo anasema:

 {وَاعْبُدُوا اللَّهَ وَلَا تُشْرِكُوا بِهِ شَيْئًا  وَبِالْوَالِدَيْنِ إِحْسَانًا}

Muabuduni Mwenyezi Mungu wala msimshirikishe na chochote. Na wafanyieni wema wazazi wawili.

Kama ambavyo ameamrisha Mwenyezi Mungu Mtukufu, kumshukuru yeye kwa neema zake, na akaambatanisha kuwashukuru wazazi wawili na kumshukuru yeye, kutokana na fadhila zao na nafasi ya juu waliyonayo wazazi wawili, na kiwango cha juu cha uzito wao. Anasema Bwana wetu Abdullahi bin Abas R.A: Aya tatu zimeteremka zikiambatana na mambo matatu, hakuna chochote kinachokubaliwa bila ya kinachoambatana nacho, na miongoni mwa aya hizo ni kauli yake Mwenyezi Mungu Mtukufu:

{أَنْ اُشْكُرْ لِي وَلِوَالِدَيْكَ}

(Tumemuusia): Nishukuru Mimi na wazazi wako. Ni kwangu Mimi ndiyo marudio.

Na yoyote atakayemshukuru Mwenyezi Mungu Mtukufu, na akawa hajawashukuru wazazi wake, basi hatakubaliwa.uislamu umenyanyua juu heshima ya wazazi wawili na kuamrisha watendewe wema, na kulelewa vyema, na kuwa nao kwa upole. Kutoka kwa Abdullahi bin Amru R.A, anasema: Mtu mmoja alikuja kwa Mtume S.A.W, anamwomba idhini ya kwenda kupigana Jihadi. Mtume S.A.W, akamwambia: Je? Wazazi wako wako hai? Akasema: ndio. Basi kwao wao kapigane jihadi.

Na mabinti wawili wa Mtu Mwema katika Kisa cha Nabii Musa A.S, walikuwa ni mfano mzuri katika kumtendea wema na kumlea vyema baba yao. Kwani baba yao alikuwa Mtu mzima hajiwezi, na hana uwezo wa kufanya kazi, wao wawili wakawa wanafanya kazi badala ya baba yao, bila ya kunung’unika au kuchoshwa. Anasema Mwenyezi Mungu Mtukufu:

 {وَلَمَّا وَرَدَ مَاءَ مَدْيَنَ وَجَدَ عَلَيْهِ أُمَّةً مِّنَ النَّاسِ يَسْقُونَ وَوَجَدَ مِن دُونِهِمُ امْرَأَتَيْنِ تَذُودَانِ قَالَ مَا خَطْبُكُمَا قَالَتَا لَا نَسْقِي حَتَّى يُصْدِرَ الرِّعَاءُ وَأَبُونَا شَيْخٌ كَبِيرٌ}

Na alipo yafikia maji ya Madyana alikuta umati wa watu wananywesha (wanyama wao), na akakuta karibu yao wanawake wawili wanawazuia wanyama wao. Akasema: Mna nini? Wakasema: Hatunyweshi sisi mpaka wamalize hao wachunga. Na baba yetu ni mzee sana.

Na kutoka kwa Jabir R.A, anasema: Mtu mmoja alisema: Ewe Mtume wa Mwenyezi Mungu Mtukufu, hakika mimi nina mali na watoto, na baba yangu anataka kuivamia mali yangu. Mtume S.A.W, akasema: Wewe pamoja na mali yako ni mali ya baba yako.

Na sisi tuna ruwaza njema kwa Bi Fatuma R.A, katika mapenzi yake, na heshima yake, na kuwa kwake mpole na baba yake Mtume wa Mwenyezi Mungu Mtukufu, S.A.W; Bi Fatuma alikuwa Mtume S.A.W, anapoingia pale alipo, alikuwa Bi Fatuma akinyanyuka alipokaa, akambusu na kumkalisha baba yake pale alipokuwa ameketi yeye, kwa ajili ya kuwa mpole kwa baba yake na kwa furaha alio nayo, na pia kwa ajili ya kumpa cheo chake S.A.W.

Uislamu vile vile umetuamrisha tuwanyenyekee wazazi wawili na tusiwaudhi. Anasema Mwenyezi Mungu Mtukufu:

 {إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلَاهُمَا فَلَا تَقُل لَّهُمَا أُفٍّ وَلَا تَنْهَرْهُمَا وَقُل لَّهُمَا قَوْلًا كَرِيمًا}

Mmoja wao akifikia uzee, naye yuko kwako, au wote wawili, basi usimwambie hata: Ah! Wala usiwakemee. Na sema nao kwa msemo wa hishima.

Mwenyezi Mungu Mtukufu amemkataza Mwanadamu kusema hata neno dogo mno linaloashiria kukemea, hata kama ingekuwa kuna neno dogo kuliko neno “ah” basi Mwenyezi Mungu angelilizuia na kulikataza lisisemwe, kwa hivyo, ni bora kwa mtu kutosababisha maudhi kwa wazazi wawili, au kuwafanyia vitendo vibaya vya aina yoyote iwayo. Bwana wetu Abu Hurairah R.A, alimwambia mtu mmoja – alipokuwa akimpa mawaidha – Usitembee mbele ya Baba yako, na wala usikae kabla yake, na wala usimwite kwa jina lake, na wala usimsababishie kutukanwa. Kwani haifai kwa Mwislamu kuwasababishia wazazi wake maudhi ya aina yoyote. Anasema Bwana wetu Muhammad S.A.W: Hakika miongoni mwa madhambi makubwa ni mtu kuwalaani wazazi wake. Wakasema: Ewe Mtume wa Mwenyezi Mungu, vipi mtu annawalaani wazazi wake? Akasema: Mtu anamtukana mtu mwingine, kasha mtu huyo aliyetukanwa, anamtukana baba yake, na Mtu anamtukani mtu mwingine mama yake, kasha aliyetukaniwa mama yake nay eye anamtukana mama yake.

Na Uislamu umeusia kuwatendea wema wazazi wawili na kuwa nao kwa wema, hata kama watakuwa kinyume na Uislamu. Anasema Mwenyezi Mungu Mtukufu:

{وَإِن جَاهَدَاكَ عَلَى أَن تُشْرِكَ بِي مَا لَيْسَ لَكَ بِهِ عِلْمٌ فَلَا تُطِعْهُمَا وَصَاحِبْهُمَا فِي الدُّنْيَا مَعْرُوفًا}

Na pindi wakikushikilia kunishirikisha na ambayo huna ilimu nayo, basi usiwat’ii. Lakini kaa nao kwa wema duniani.

 وهذا ما كان من سيدنا إبراهيم (عليه السلام) في دعوته مع أبيه ،  وفي ذلك يقول الحق سبحانه:

Na hivi ndivyo ilivyokuwa kwa Bwana wetu Ibrahim A.S, katika kumlingania Baba yake, na katika hili, anasema Mwenyezi Mungu Mtukufu:

 {وَاذْكُرْ فِي الْكِتَابِ إِبْرَاهِيمَ إِنَّهُ كَانَ صِدِّيقًا نَّبِيًّا * إِذْ قَالَ لِأَبِيهِ يَا أَبَتِ لِمَ تَعْبُدُ مَا لَا يَسْمَعُ وَلَا يُبْصِرُ وَلَا يُغْنِي عَنكَ شَيْئًا * يَا أَبَتِ إِنِّي قَدْ جَاءَنِي مِنَ الْعِلْمِ مَا لَمْ يَأْتِكَ فَاتَّبِعْنِي أَهْدِكَ صِرَاطًا سَوِيًّا * يَا أَبَتِ لَا تَعْبُدِ الشَّيْطَانَ إِنَّ الشَّيْطَانَ كَانَ لِلرَّحْمَنِ عَصِيًّا * يَا أَبَتِ إِنِّي أَخَافُ أَن يَمَسَّكَ عَذَابٌ مِّنَ الرَّحْمَنِ فَتَكُونَ لِلشَّيْطَانِ وَلِيًّا}

Na mtaje katika Kitabu Ibrahim. Hakika yeye alikuwa mkweli, Nabii. Alipo mwambia baba yake: Ewe baba yangu! Kwa nini unaabudu visivyo sikia, na visivyo ona, na visivyo kufaa chochote? Ewe baba yangu! Usimuabudu Shet’ani. Hakika Shet’ani ni mwenye kumuasi Mwingi wa Rehema. Ewe baba yangu! Hakika mimi naogopa isikupate adhabu inayo toka kwa Mwingi wa Rehema ukaja kuwa mwenziwe Shet’ani.

Tunaona kuwa Mtoto wa Abu Bakar R.A, Bi Asmaau binti Abu Bakar R.A, anajiwa na mama yake – akiwa mshirikina – anataka kuonana nae: Bi Asmaau akamuuliza Mtume S.A.W, akasema: Ewe Mtume wa Mwenyezi Mungu, mama yangu alinijia akitaka kuonana na mimi, je? Ni unge nae undugu? Mtume S.A.W, akasema: Ndio. Unga undugu na Mama yako.

Hakika wema kwa wazazi wawili una athari nyingi na una faida kubwa na fadhila nzuri anazozipata mja Duniani na Akhera; miongoni mwa faida hizo ni: Sababu ya kupata radhi za Mola wake. Amesema Mtume S.A.W: Radhi za Mwenyezi Mungu ziko katika Radhi za Wazazi wawili, na hasira za Mwenyezi Mungu ziko katika kuwakasirisha wazazi wawili.

Na miongoni mwa matunda hayo ni kwamba hii ni sababu ya kuondoshewa magumu na mazito. Mtume S.A.W, ametutajia kisa cha Watu watatu ambao mvua ilipelekea wakimbilie pangoni kwenye jabali. Na jiwe kubwa likaangukia kwenye mlango wa Pango hilo na likauziba. Wakasema: Hakika mambo yalivyo, hakuna wa kukuokoeni na hili jiwe isipokuwa kumwomba Mwenyezi Mungu Mtukufu kwa Mema katika Matendo yenu. Akasema mmoja wao: Ewe Mola wangu Mlezi, hakika mimi nilikuwa nina wazazi wangu wawili waliozeeka mno, na nina watoto wadogo na nilikuwa nikiwachungia wanyama, na nilikuwa ninapowaendea nilikamua maziwa, na nikaanza kwa kuwapa Wazazi wangu, nikawa ninawanywesha maziwa hayo kabla ya watoto wangu, na Siku moja mimi nilichelewa na sikwenda kwao isipokuwa baada ya kufikiwa na jioni nilienda na nikawakuta wamelala, na nikakamua maziwa kama kawaida na nikasimama upande wa kichwani kwao nikichelea kuwaamsha na nikawa ninachukia kuwanywesha watoto wangu huku watoto wakilia kutokana na njaa huku wakiwa miguuni kwangu mpaka alfajiri ikachomoza. Ewe Mola wangu Mlezi ikiwa mimi nilifanya hivyo kwa ajili kutafuta radhi zako, tunakuomba utufungulie hili jiwe kiasi cha kuiona mbingu. Mwenyezi Mungu Mtukufu akawafungulia. Na wakaiona mbingu… hadi mwisho wa Hadithi. Kwa hiyo wema wake kwa wazazi wake ukawa ndio sababu ya kuondoshewa uzito na kuokoka kwake.

Na miongoni mwa matunda yake ni kwamba kuwatendea wema Wazazi wake ni kuwafanya watoto wake wamtendee yeye wema; kwani malipo hutokana na kazi iliyofanywa. Na Mwenyezi Mungu Mtukufu alimzawadia Bwana wetu Ibrahim A.S, kwa Tabia zake njema kwa baba yake na kwa kumlingania kwake na kumtendea Wema, akajakutendewa wema na mwanae Ismail A.S. Na Qurani imetutajia hayo katika moja ya Sura za juu ya utiifu na Wema kwa Baba. Anasema Mwenyezi Mungu Mtukufu:

 {فَلَمَّا بَلَغَ مَعَهُ السَّعْيَ قَالَ يَا بُنَيَّ إِنِّي أَرَى فِي الْمَنَامِ أَنِّي أَذْبَحُكَ فَانظُرْ مَاذَا تَرَى قَالَ يَا أَبَتِ افْعَلْ مَا تُؤْمَرُ سَتَجِدُنِي إِن شَاءَ اللَّهُ مِنَ الصَّابِرِينَ}

Basi alipo fika makamo ya kwenda na kurudi pamoja naye, alimwambia: Ewe mwanangu! Hakika mimi nimeona usingizini kuwa ninakuchinja. Basi angalia wewe, waonaje? Akasema: Ewe baba yangu! Tenda unavyo amrishwa, utanikuta mimi, Inshallah, katika wanao subiri.

Kuwatendea wema Wazazi Wawili pia kuna matunda yake hapa hapa duniani, kwani huwa sababu ya kuleta furaha kwa Mwislamu na Kesho Akhera huwa sababu ya kuingizwa Peponi. Mtu mmoja alimjia Mtume S.A.W, akimwomba idhini ya kwenda kwenye Jihadi. Mtume S.A.W, akasema: Je wewe una mama? Akasema: Ndio. Mtume akamwambia: Basi endelea kuwa nae karibu kwani Pepo iko miguuni mwake. Na anasema Mtume S.A.W: Mzazi ni Mlango wa kati katika Milango ya Peponi, ukitaka basi ulinde mlango huo au upoteze. Na amesema Bin Omar R.A akimwambia mtu: Je Wewe unauogopa Moto na unapenda uingizwe Peponi? Akasema: ndio, ninaapa kwa Mwenyezi Mungu Mtukufu ninapenda. Je? Wazazi wako wako hai? Akasema: Nina mama. Akasema: Ninaapa kwa Mwenyezi Mungu Mtukufu, lau wewe ungeweza kuwa na kauli nzuri kwake, na ukamlisha chakula, basi hakika utaiingia Pepo iwapo utaendelea kujiepusha na Madhambi Makubwa.

Na sisi tunathibisha ya kwamba vyovyote vile mtu atakavyoweza kuwafanyia wazazi wake wawili katika wema basi hawezi kuwatoshelezea haki yao kamili na wala hawezi kuwalipa wema wao kwake. Anasema Mtume S.A.W: Mtoto hawezi kumlipa Mzazi wake isipokuwa labda akimkuta ni mtumwa akamnunua na kisha akwachoa huru.

Ninaisema kauli yangu hii, na ninamwomba Mwenyezi Mungu Mtukufu anisamehe mimi na akusameheni nyinyi.

* * *

Sifa zote njema ni zake Mwenyezi Mungu Mtukufu, Mola wa Viumbe vyote. Na ninashuhudia ya kuwa Hakuna mungu mwingine anaestahiki kuabudiwa kwa haki isipokuwa Mwenyezi Mungu, asiye na mshirika yoyote, na ninashuhudia ya kwamba Bwana wetu na Mtume wetuMuhammad, ni Mja na Mjumbe wake. Ewe Mola wetu mswalie, mrehemu na umbariki Mtume wetu, na Jamaa zake na Maswahaba wake wote, na kila mwenye kuwafuata wao kwa wema mpaka siku ya Malipo.

Ndugu zangu Waislamu,

Uislamu umeusia juu ya Wazazi Wawili na Ukausia pia kuhusu Ndugu, nao ni wale ambao mtu ana mfungamano nao kiundugu, na akawawekea haki zao.

Kama ulivyousia juu ya wazazi wawili, Uislau umeusia pia juu ya ndugu. Na ndugu ni wale ambao mtu anakaribiana nao kiundugu. Mwenyezi Mungu amewawekea haki zao. Anasema Mwenyezi Mungu Mtukufu:

{وَأُولُو الْأَرْحَامِ بَعْضُهُمْ أَوْلَى بِبَعْضٍ فِي كِتَابِ اللَّهِ}

Na jamaa wa nasaba wanastahikiana wenyewe kwa wenyewe zaidi katika Kitabu cha Mwenyezi Mungu

Na Mtume S.A.W, anasema: Hakika Mwenyezi Mungu Mtukufu ameumba Viumbe na alipomaliza kuviumba, Kizazi kilisimama na kikasema: Hii ni nafasi ya Kisimamo cha anayejikinga kwako kutokana na kuukata undugu, akasema: Ndio. Je wewe huridhiki mimi nikakuunganisha na aliyekuunga wewe na nikamkata aliyekukata wewe? Kizazi kikasema: Ndio. Akasema Mwenyezi Mungu Mtukufu: Basi nimekupa Jambo hilo. Kisha Mtume S.A.W, akasema: Mkipenda isomeni aya hii:

 {فَهَلْ عَسَيْتُمْ إِنْ تَوَلَّيْتُمْ أَنْ تُفْسِدُوا فِي الْأَرْضِ وَتُقَطِّعُوا أَرْحَامَكُمْ * أُولَئِكَ الَّذِينَ لَعَنَهُمُ اللَّهُ فَأَصَمَّهُمْ وَأَعْمَى أَبْصَارَهُمْ}

Basi yanayotarajiwa kwenu mkitawala ndio mfanye ufisadi katika nchi a mwatupe ndugu zenu? Hao ndio Mwenyezi Mungu aliowalaani, na akawatia uziwi, na akawapofua macho yao.

Na anasema Mtume S.A.W: Mwenyezi Mungu Mtukufu anasema:

Mimi ni Mwenyezi Mungu, na Mimi ni Rahmani, nimekiumba kizazi na nikakipa jina kutoka katika Majina  yangu, na yoyote atakaeunga undugu na mimi nitamuunga yeye, na atakaeukata undugu na mimi nitamkata.

Na kuunga undugu kinapatikana kwa kuwatembelea, na kuzijua hali zao, na kuwasaidia. Anasema Mtume S.A.W: Sadaka kwa Masikini ni Sadaka, na kwa ndugu ni maradufu; kuunga undugu ni Sadaka. Vilevile hupatikana kwa kuukubali mwaliko wao, na kumtembelea mgonjwa wao na kuhudhuria mazishi yao na pia kumuheshimu mkubwa wao na kumhurumia mdogo wao, na kusalimika na kuwa na nia njema kwa ajili yao, na kuwaombea dua.

Mwenyezi Mungu Mtukufu amejaalia kuunga undugu kama ni sababu ya baraka katika Umri, na Ongezeko la riziki ambapo anasema Mtume wetu S.A.W: Anaependa kuongezewa Umri wake au aongezewe riziki yake basi awetendee wema Wazazi wake na aunge undugu.

Mtume S.A.W, ametuambia kwamba kuunga undugu ni sababu ya kusamehewa madhambi. Mtu mmoja alimjia Mtume S.A.W, akasema: Ewe Mtume wa Mwenyezi Mungu Mtukufu hakika mimi nimefanya dhambi kubwa, je ninaweza kutubu? Mtume S.A.W, akamwambia: Je wewe una mama? Akasema: Hapana. Sina mama. Mtume akasema: Je wewe una Mama mdogo? Akasema yule Mtu: Ndio. Ninae Mama mdogo. Mtume akasema: basi mtendee wema.

     Kila mtu anapaswa kujihadhari na kukata undugu na asilipe ovu kwa ovu, bali asamehe na alipuuzie ovu alitendewa. Anasema Mtume S.A.W: Mwenye kuunga Undugu sio mtoa zawadi lakini muunga Undugu ni yule ambaye undugu wake unapokatika yeye huuunga.

Mtu mmoja alimjia Mtume S.A.W, akasema: Ewe Mtume wa Mwenyezi Mungu Mtukufu, hakika mimi nina ndugu huwa ninawaunga na wao hunikata, na huwatendea wema na wao hunitendea mabaya, mimi ninawajali na wao hawanijali. Mtume S.A.W, akasema: Ukiendelea kuwa kama ulivyo basi utakuwa kama vile umewamwagia majivu nyusoni mwao na Mwenyezi Mungu Mtukufu ataendelea kukunusuru kama utaendelea kufanya hivyo.

Uislamu umekataza kuukata undugu na ukatoa onyo kali juu ya mwisho wake mbaya Duniani na Akhera, ambapo anasema Mtume S.A.W: hakuna dhambi mbaya inayomfanya Mwenyezi Mungu Mtukufu aharakishe kutoa adhabu kwa muhusika hapa hapa Duniani, pamoja na adhabu anayomwekea Akhera kuliko dhuluma na kukata undugu. Na anasema Mtume S.A.W: Haingii Peponi mtu mwenye kuukata undugu.

Tumche Mwenyezi Mungu Mtukufu katika Wazazi wetu wawili, na tuunge undugu na tuwafanyie wema Watu wote.

Ewe Mola wetu Mlezi tuwafikishe katika kuwatendea wema wazazi wetu, na utujaalie tuwe ni wenye kuunganisha Undugu wetu, na uwalinde Watu wetu, na uijaalie Nchi yetu iwe na Amani, Utajiri na Maisha bora, salama Amani, pamoja na Nchi zote Duniani.

Ulinzi wa Nchi kwa ujumla na Masilahi yake Makuu

Sifa zote njema ni zake Mwenyezi Mungu Mtukufu, Mola Mlezi wa Viumbe vyote, anaesema katika Kitabu chake Kitukufu:

 {وَتَعَاوَنُوا عَلَى الْبِرِّ وَالتَّقْوَى وَلَا تَعَاوَنُوا عَلَى الْإِثْمِ وَالْعُدْوَانِ وَاتَّقُوا اللَّهَ إِنَّ اللَّهَ شَدِيدُ الْعِقَابِ}

Na saidianeni katika wema na uchamngu. Wala msisaidiane katika dhambi na uadui. Na mcheni Mwenyezi Mungu. Hakika Mwenyezi Mungu ni Mkali wa kuadhibu.

Na ninashuhudia kuwa hakuna Mungu mwingine anaestahiki kuabudiwa kwa Haki isipokuwa Mwenyezi Mungu Mtukufu, yeye pekee asiye na mshirika wake. Na ninashuhudia kuwa Bwana wetu na Mtume wetu Muhammad ni Mja na Mjumbe wake. Ewe Mola wetu mjaalie rehma na amani na umbariki yeye na Jamaa zake na Maswahaba wake wote na kila atakayewafuata mpaka siku ya Malipo.

Na baada ya Utangulizi huu:

Uislamu umeijenga Nchi ya Kweli kwa kuiwekea Misingi na kuijengea Nyenzo zake. Uislamu umehimiza Ulinzi wa Nchi.    na ukaweka jukumu la Ulinzi wa Nchi na Shime kuwa ni jukumu la pamoja baina ya Wananchi wake wote. Na kila Mzinduko ulipoongezeka kwa wananchi wa Jamii ya Kiislamu juu ya Thamani ya Nchi, na hatari yake, ndipo ushirikiano ulipoongezeka zaidi, na kuwa bega kwa bega, na kufungamana kwa ajili ya kuilinda Nchi. Na hapo ndipo nguvu ya Jamii inapopatikana na wote wakawa kitu kimoja a kujihisi kama wamoja, ambapo Mtume wetu S.A.W, ametuhimiza juu ya Jambo hili akasema Mtume wetu S.A.W: Muumini na Muumini mwenzake ni kama Jengo linalosimama pamoja, na akavishikanisha vidole vyake. Na akasema S.A.W: Mfano wa Waumini katika kupendana kwao na kuhurumiana kwao na na kuoneana huruma kwao ni mfano wa Mwili mmoja; kiungo kimoja kinapougulia mwili mzima pia huugulia kwa kukesha na homa.

Jambo lisilokuwa na shaka yoyote ndani yake ni kwamba moja ya nguzo muhimu za ulinzi wa Nchi ni: Kuyatanguliza Masilahi Mapana ya Uma yanayowanufaisha Watu wote, juu ya Masilahi Binafsi na Finyu ambayo yanawanufaisha wahusika tu. Kwa ajili ya kuitakasa nafsi ya Binadamu kutokana na shari za umimi, na hivyo ni kwa kuwa Masilahi ya Uma yanakusanya kila kinachoyasimamisha Maisha ya Jamii kwa ujumla kwa hali na mali, na kuleta kheri na manufaa kwa watu wote, na kuwaondoshea shari na maovu, na kuwaletea ulinzi wan chi, na utulivu wake na amani ya ardhi yake. Na hapana shaka kwamba kuutengeneza Uma na Jamii kwa ujumla ndilo jambo linalofanywa na Fiqhi ya jinsi ya kuweka Vipaumbele.

Qurani Tukufu imetuthibishia kwamba kuyalinda masilahi ya taifa a kuyatanguliza juu ya masilahi binafsi ndio Mfumo wa Mitume ya Mwenyezi Mungu Mtukufu na Manabii wake wote. Kwani Mwenyezi Mungu hakuwaleta Mitume na Manabii isipokuwa kwa ajili ya kuwafurahisha watu wake, na kuwaletea kila kheri bila ya malipo yoyote ya mali, au manufaa yoyote ya Dunia. Anasema Mwenyezi Mungu kupitia ulimi wa Mtume wake Nuhu A.S:

{وَيَا قَوْمِ لَا أَسْأَلُكُمْ عَلَيْهِ مَالًا إِنْ أَجْرِيَ إِلَّا عَلَى اللَّهِ وَمَا أَنَا بِطَارِدِ الَّذِينَ آمَنُوا إِنَّهُمْ مُلَاقُو رَبِّهِمْ وَلَكِنِّي أَرَاكُمْ قَوْمًا تَجْهَلُونَ}

Na enyi watu wangu! Mimi sikuombeni mali kwa ajili ya haa. Mimi sina ujira isipokuwa kutoka kwa Mwenyezi Mungu Mtukufu; na mimi sitawafukuza walioamini. Hakika wao watakutana na Mola wao Mlezi, lakini mimi ninakuoneni mnafanya ujinga.

Na anasema Mwenyezi Mungu kupitia ulimi wa Mtume wake Hud A.S:

{يَا قَوْمِ لَا أَسْأَلُكُمْ عَلَيْهِ أَجْرًا إِنْ أَجْرِيَ إِلَّا عَلَى الَّذِي فَطَرَنِي أَفَلَا تَعْقِلُونَ}

Enyi watu wangu! Sikuombeni ujira kwa ajili ya haya. Haukuwa ujira wangu isipokuwa kutoka kwa Yule aliyeniumba, basi hamtumiii akili?

Na anasema Mwenyezi Mungu kupitia ulimi wa Mtume wake Shuaibu A.S:

{إِنْ أُرِيدُ إِلَّا الْإِصْلَاحَ مَا اسْتَطَعْتُ وَمَا تَوْفِيقِي إِلَّا بِاللَّهِ عَلَيْهِ تَوَكَّلْتُ وَإِلَيْهِ أُنِيبُ}

Sitaki isipokuwa kutengeneza kiasi ninavyoweza. Na sipati kuwezeshwa haya ila na Mwenyezi Mungu, na kwake Yeye ninaelekea.

Na Sheria Tukufu imekuja na ikawa sambamba na akili ya Mwanadamu, na inanasibiana nae, na ikayataka mambo ambayo lengo lake yalete masilahi kwa wananchi wote. Miongoni mwayo ni: kuyafikia mahitaji Muhimu ya Jamii, na kuchunga Fiqhi ya Uhalisia, na ikiwa haja ya Jamii ni ujenzi wa Hospitali na kuziwekea vifaa mbali mbali vya kuwatibu mafukara na kuwauguza basi hapo kuna kipaumbele, na ikiwa haja ya Jamii ni ujenzi wa Shule na vyuo mbali mbali na kuvifanyia ukarabati na kuviandalia vifaa mbali mbali pamoja na kuwagharamia wanafunzi wake na kuwalea, basi hicho ndicho kipaumbele. Na ikiwa haja ya jamii ni kuwepesisha ndoa kwa wenye ugumu wa kuoa na kuwalipia madeni wenye kudaiwa na kuwaondoshea uzito watu wenye matatizo ya kushindwa kulipa madeni basi hicho ndicho kipaumbele. Kwa hiyo kukidhi haja za watu na kuwasimamia matakwa yao ni katika mambo ya wajibu kisheria na kitaifa. Anasema Mtume S.A.W: Hawi mwislamu ni mwenyekuniamini mimi anapolala akiwa ameshiba na jirani yake ana najaa pembezoni mwake, na yeye anajua hivyo.

Na miongoni mwayo ni: Kulinda Mali ya Uma. Na hili ni jambo ambalo wananchi wote wanashirikiana. Na uharamu wa Mali ya uma ni mkubwa zaidi kuliko ule wa mali binafsi; kutokana na wingi wa haki zinazoambatana na Mali hiyo ya Uma, na wingi wa dhimaya anaezimiliki, na kwa hivyo Uislamu umetahadharisha ubadhirifu wa mali hiyo au kuiiba au kusababisha madhara yoyote. Anasema Mwenyezi Mungu Mtukufu:

{وَمَنْ يَغْلُلْ يَأْتِ بِمَا غَلَّ يَوْمَ الْقِيَامَةِ ثُمَّ تُوَفي كُلُّ نَفْسٍ مَا كَسَبَتْ وَهُمْ لاَ يُظْلَمُونَ}

Na atakayefanya khiyana atayaleta siku ya Kiama aliyoyafanyia khiyana, kasha kila mtu atalipwa kwa aliyoyachuma, kwa ukamilifu wala hawatadhulmiwa.

Kwa hivyo Mali ya Uma ni miliki ya Watu wote, na wala sio miliki ya kundi maalumu miongoni mwao, na wafanya kazi wa sekta hiyo wao ni walinzi walioaminiwa kuilinda Mali hiyo na kuikusanya na kuitumia kwa wahusika. Si halali kwa mtu yoyote kuishambulia au kuchukua sehemu ya mali hiyo asiyoistahiki, kwani kufanya hivyo ni uhaini na dhuluma; na kula mali za watu kwa njia Haramu.

 Uislamu umeamrisha kuzilinda taasisi zote za Serikali kama vile Majumba ya Ibada, Shule na Vyuo, Hospitali, Bustani na Maeneo ya Uma, na kadhalika. Vyote hivyo ni miliki ya wananchi wote. Na manufaa yake ni kwa ajili a watu wote. Na Uilsmu umetutahadharisha kwa ukali dhidi ya kuzishambulia taasisi za Serikali au kuzipoteza au kuziharibu kwa namna yoyote iwayo. Anasema Mwenyezi Mungu Mtukufu:

{وَلَا تُفْسِدُوا فِي الْأَرْضِ بَعْدَ إِصْلَاحِهَا}

Na wala msifanye uharibifu katika nchi baada ya kuwa imekwisha tengenezwa…

Mpaka watu wasije wakadhani kwamba inajuzu kutumia mali ya uma kwa njia amayoitaka yeye na jinsi atakavyo, kwa madai kuwa ni haki yake kama ilivyo kwa wengine, na kufahamu hivyo ni kosa. Kwani wajibu wetu ni kuzilinda taasisi za Uma a kulihifadhi pamoja na kuziendeleza na kuziboresha; kwani tasisi hizi si za mtu kinyume na mwingine au kundi la zama Fulani; bali ni letu sote na kwa ajili ya vizazi vijavyo.

Miongoni mwayo ni: ulinzi wa barabara na njia, na kuzichunga haki zake. Anasema Mtume wa Mwenyezi Mungu S.A.W: Ole wenu na kukaa barabarani. Wakasema: Ewe Mtume wa Mwenyezi Mungu, sisi tunalazimika kukaa katika vikao vyetu, tunazungumza katika vikao hivyo. Akasema Mtume S.A.W: Mnapoviendea vikao vyenu basi  muipe barabara haki yake. Wakasema: Ni ipi hiyo haki ya barabara? Akasema: Ni kuinamisha macho, na kuondosha adha kwa watu, kujibu salamu, kuamrisha mema na kukataza mabaya.

Na anasema Mtume S.A.W: Imani ni imegawanyika mara Sabini na kitu – au sitini na kitu – na bora yake ni kusema Hakuna mungu mwingine anaestahiki kuabudiwa kwa haki isipokuwa Mwenyezi Mungu Mtukufu, na ya chini yake ni kuondosha madhara jiani, na Haya ni sehemu ya Imani.

Na miongoni mwayo ni: kushiriki huduma ya kitaifa ambayo inazinatiwa kuwa ni moja ya mambo muhimu ya wajibu ambayo yanafanywa na mtu kwa ajili ya Dini na Nchi yake, na ni dalili ya  uzalendo wake kwa nchi yake, na ukweli wa uzalendo wake, na mapenzi yake kwa nchi yake. Kwani nchi na heshima yake havina hatari ndogo kuliko nafsi yake, Dini yake Mali yake, au Vitu vyake. Vile vile hii hujenga kwa wananchi maana za ushujaa, utu na mwonekano mwema wa mtu, na Maadili Mema yaliyoletwa na Dini yetu tukufu. Anasema Mtume S.A.W: Macho ya aina mbili hayataguswa na Moto. Jicho lililolia kwa kumwogopa Mwenyezi Mungu, na jicho lililokesha kwa ajili ya kulinda katika njia ya Mwenyezi Mungu.

Na katika Msilahi ya Uma ambayo lazima yachungwe – ni ulinzi wa Serikali – unaokuwa baina ya nchi nan chi zingine, au shirika, au taasisi za kigeni miongoni mwa mikataba: kwa hakika hatua yoyote ya Kifiqhi au ya Fatwa, au ya ulinganiaji, lazima iwe hatua ya kitaasisi, inayotokana na kiongozi Muhusika au anaemwakilisha kiongozi huyo. Na ni juu ya anyeyazungumzia mambo haya aweke zingatio katika kila kinachobabaisha kijamii, kitaifa na kimataifa na kuungana na jambo analolizungumzia, ili zisitoke baadhi ya rain a fatwa za mtu mmoja anaeharakisha katika Jambo la uma, kwa namna inayoleta mgongano na uhalisia au inagongana na Sheria na Mikataba na Makubaliano ya Kiataifa. Na Mwenyezi Mungu Mtukufu ametuamrisha utekelezaji wa Mikataba. Anasema Mwenyi Mungu Mtukufu:

{يَا أَيُّهَا الَّذِينَ ءَامَنُوا أَوْفُوا بِالْعُقُودِ}

Enyi mlioamini, zitekelezeni ahadi zenu.

Kwa hivyo aya hii tukufu inakusanya kila aina ya mikataba na mambo ya kufuatwa ambao mtu analazimika kuyafuata yeye na  mtu mwingine. Na anasema Mtume S.A.W: Waislamu hufuata Masharti waliojiwekea wao wenyewe, isipokuwa Sharti inayoharamisha Halali au sharti inayohalalisha Haramu.

Tunamwona Mtume S.A.W, anamrejesha Abu Basiir R.A, baada ya Mkataba wa Hudaibiyah, kwa mujibu wa Mkataba ambo uliwekwa baina ya Mtume S.A.W, nan a Makureshi wa Makkah, pamoja na kuwepo uwezekano wa Swahaba huyu kudhurika; kwa ajili ya kulinda Mkataba aliyowekeana na Makureshi wa Makkah, na hii ni aina ya utekelezaji wa Mkataba kwa upande mmoja, na ni aina ya kutanguliza na kuweka Masilahi ya Uma mbele kwa upande wa pili.

Hakika mazungumzo kuhusu Serikali – bila ya kuwa na mzinduko, uelewa, au fahamu – hatari yake huugusa muundo kamili wa nchi na nguvu zake; na huufanya usalama wa nchi na utulivu wake wote uwe ni halali, na kichekesho, na kuongezeka kwa upuuzi na mtu kuzungumzia mambo asiyoyajua katika asiyoyaelewa. Wingi ulioje wa watu wanaoleta ufisadi ardhini na wala hawarekebishi, na Mwenyezi Mungu Mtukufu ana ametuamrisha tulirejeshe jambo hili kwa wahusika, akasema:

{وَإِذَا جَاءَهُمْ أَمْرٌ مِّنَ الْأَمْنِ أَوِ الْخَوْفِ أَذَاعُوا بِهِ وَلَوْ رَدُّوهُ إِلَى الرَّسُولِ وَإِلَى أُولِي الْأَمْرِ مِنْهُمْ لَعَلِمَهُ الَّذِينَ يَسْتَنبِطُونَهُ مِنْهُمْ وَلَوْلَا فَضْلُ اللَّهِ عَلَيْكُمْ وَرَحْمَتُهُ لَاتَّبَعْتُمُ الشَّيْطَانَ إِلَّا قَلِيلًا}

Na linapowafikia Jambo lolote lililohusu amani au la kitisho wao hulitangaza. Na kama wangelipeleka kwa Mtume na kwa wenye Mamlaka kati yao, wale wnaochunguza wangelilijua. Na kama si fadhila ya Mwenyezi Mungu Mtukufu juu yenu na rehema yake mngelimfuata Shetani isipokuwa wachache wen utu.

Ninaisema kauli yangu hii, na nimawomba Mwenyezi Mungu anisamehe mimi na akusameheni nyinyi.

* * *

Sifa zote njema ni zake Mwenyezi Mungu Mtukufu, Mola wa Viumbe vyote. Na ninashuhudia ya kuwa Hakuna mungu mwingine anaestahiki kuabudiwa kwa haki isipokuwa Mwenyezi Mungu, asiye na mshirika yoyote, na ninashuhudia ya kwamba Bwana wetu na Mtume wetuMuhammad, ni Mja na Mjumbe wake. Ewe Mola wetu mswalie, mrehemu na umbariki Mtume wetu, na Jamaa zake na Maswahaba wake wote, na kila mwenye kuwafuata wao kwa wema mpaka siku ya Malipo.

Ndugu zangu Waislamu,

Hakika maana ya Serikali inapindukia shime ya mtu mmoja mmoja mwenye mipaka maalumu na kuelekea katika shime ya watu wote. Na kwa ajili hiyo jambo lake halijaenea kwa watu wote; bali linafanywa na wabobezi wanaotambua thamani ya jukumu walilopewa linalohusiana na Usalama wa Taifa, na maisha ya Watu wote na Masilahi yao. Nyenzo za Mataifa na hali yake ya kijimbo nay a kimataifa, na masuala yake a kisasa na kijamii na kiusalama na kielimu na kadhalika. Na wenye elimu, kama Mwenye kujitahidi miongoni mwa watu wa Jitihada na Mitazamo, anapojitahidi na katika Nyanja za ubobezi wake na akakosea basi ana ujira. Na iwapo atajitahidi na akapatia basi ana ujira wa aina mbili, na mana ya kwenda kinyume huelekea kwamba mwenye kujitahisi katika wasio na elimu na ubobezi katika kisichokuwa ubobezi wake, na katika yale asiokuwa nayo elimu nayo basi jitihada yake sio ya wanachuoni na wabobezi katika ubobezi wao, na katika asiyokuwa na elimu nayo, na iwapo atajitahidi na akapatia basi ana malipo ya kuthubutu kwake juu ya Hadithi a Fatwa katika mambo asiyokuwa na elimu nayo, na iwapo atajitahidi na akakosea, basi ana yeye malipo mawili na mzigo wa kosa lake, na mwingine wa kuthubutu kwake kutoa fatwa bila ya elimu; na hivyo ni kwa ajili ya hima ya Uislamu ya kuwaheshimu Wanachuoni na ubobezi wao, ambapo anasema Mwenyezi Mungu Mtukufu:

 {فَاسْأَلُوا أَهْلَ الذِّكْرِ إِن كُنتُمْ لَا تَعْلَمُونَ}

Basi waulizeni wenye ukumbusho ikiwa nyinyi hamjui.

Na Ahlu Dhikri ni Wanachuoni Bobezi wa Elimu yoyote katika Elimu kwa mujibu wa Mwenye majukumu, na kwa hivyo, imekatazwa kuharakisha utoaji wa Fatwa bila ya Elimu au Egemeo lolote la kisheria. Anasema Mwenyezi Mungu Mtukufu:

{فَمَنْ أَظْلَمُ مِمَّنِ افْتَرَى عَلَى اللَّهِ كَذِبًا لِيُضِلَّ النَّاسَ بِغَيْرِ عِلْمٍ إِنَّ اللَّهَ لا يَهْدِي الْقَوْمَ الظَّالِمِينَ}

Basi ni nani dhaalimu mkubwa kuliko yule aliye mzulia Mwenyezi Mungu uwongo, kwa ajili ya kuwapoteza watu bila ya ilimu? Hakika Mwenyezi Mungu hawaongozi watu madhalimu.

Na anasema Mwenyezi Mungu Mtukufu:

 {وَلَا تَقُولُوا لِمَا تَصِفُ أَلْسِنَتُكُمُ الْكَذِبَ هَذَا حَلَالٌ وَهَذَا حَرَامٌ لِّتَفْتَرُوا عَلَى اللَّهِ الْكَذِبَ إِنَّ الَّذِينَ يَفْتَرُونَ عَلَى اللَّهِ الْكَذِبَ لَا يُفْلِحُونَ * مَتَاعٌ قَلِيلٌ وَلَهُمْ عَذَابٌ أَلِيمٌ}

Wala msiseme uwongo, kwa kuropokwa na ndimi zenu: Hichi halali, na hichi haramu – mkimzulia uwongo Mwenyezi Mungu. Hakika wanao mzulia uwongo Mwenyezi Mungu hawatafanikiwa. Ni starehe ndogo, nao watapata adhabu chungu.

Na anasema Mtume S.A.W: Mtu yoyote atakayetolewa Fatwa bila ya kuwapo Elimu, basi madhambi yake yatakuwa kwa yule aliyemtolea Fatwa.

Maswahaba wakubwa na  Taabiina (waliokuja baada yao) walikuwa R.A, walikuwa wanaogopa kutoa Fatwa, huwenda ni kutokana na hatari yake; na tunamwona Abu Bakar Swidik R.A, anasema: Ni Mbingu gani itakayoniwekea kivuli mimi? Na ni Ardhi gani intakayonibeba mimi? Iwapo nitasema kuhusu Kitabu cha Mwenyezi Mungu bila ya Elimu?

Na Shaabiyu aliulizwa kuhusu jambo akasema: Mimi sio mzuri katika hilo, na Maswahaba wakamwambia: Tumekuonea aibu, akasema: Lakini Malaika hakuona haya aliposema:

{لَا عِلْم لَنَا إلَّا مَا عَلَّمْتنَا}

Hatuna ujuzi isipokuwa kwa uliotufunza wewe.

Na Abdulrahan bin Abii Laila, amesema: Nimewadiriki Maswahaba mia moja na ishirini miongoni mwa Maanswar (Maswahaba wa Madina) miongoni mwa Maswahaba wa Mtume S.A.W, mmoja wao anaulizwa suala, na analirejesha kwa huyu, na huyu analirejesha kwa huyu, mpaka linarejea kwa Swahaba wa kwanza.

Na ulinzi wa nchi kwa ujumla wake, ni jukumu la pamoja, kila mmoja kwa nafasi yake na nyenzo zake. Anasema Mtume wetu S.A.W: Nyinyi Nyote ni wachunga, na kila mmoja ataulizwa juu ya anachokichunga; Imamu ni Mchunga nae ataulizwa Kuhusu wale anaowachunga. Na Mwanaume ni mchunga kwa Watu wake nae ataulizwa Kuhusu anaowachunga. Na Mwanamke ni mchunga katika nyumba ya mume wake na ataulizwa Kuhusu anaowachunga. Na mtumishi ni mchunga wa mali ya mwajiri wake na ataulizwa Kuhusu anachokichunga.

Huwenda Watu wengi wakawa wanadharau yale wanayoyazungumza au wanayoyaandika au wanayoyasambaza katika mitandao ya kijamii. Bali baadhi ya Watu wanaweza wakayaona kuwa ni sehemu moja ya burudani kwao na wala hawatambui kuwa utengenezaji wa maneno ya kuyavumisha na kuyaeneza baina ya watu ni njia mojawapo ya kubomoa inayotumiwa na Watu wa batili katika mapambano yao na Watu wa Haki. Unauona Uma kama mwili mmoja unajishuku wenyewe kwa wenyewe, na kufanyiana khiana wenyewe kwa wenyewe; na kwa ajili hiyo, anasema Mtume S.A.W: Inamtosha Mtu kusema uongo kwa kukizungumzia kila anachkisikia.

Ikiwa Mtu kuzungumzia kila anachokisikia ni aina miongoni mwa aina za uongo, anayefanya hivyo kuadhibiwa adhabu kali huko Akhera, inakuwaje kwa mwenyekuyazungumzia asiyoyaona au kuyasikia na wala hayajui, anazungumza kama uzushi upotoshaji? Na ni maneno mangapi ya uongo yanayovuma, yakawa sababu ya muhusika kuadhibiwa na Mwenyezi Mungu Mtukufu Siku ya Kiama. Anasema Mtume wetu S.A.W: Hakika Mja anaweza kuzungumza neno linalomridhisha Mwenyezi Mungu Mtukufu, akawa halizingatii, na Mwenyezi Mungu Mtukufu akamnyanyua kwalo daraja za juu. Na kwamba Mja anaweza kuzungumza neno linalomkasirisha Mwenyezi Mungu Mtukufu, ambalo yeye halizingatii, akaingia kwa neno hilo Moto wa Jahanamu.

Tunayakiwa tuwe makini, tuchukue tahadhari na tupime akilini, na kutojiingiza katika mambo tusioyajua, au kufutu bila ya Elimu.

Mwenyezi Mungu Mtukufu ametuamrisha tuwe na msimamo na kutowafuata Waharibifu, na kupata uhakika wa Habari zote zinazotufikia ambapo anasema:

{يَا أَيُّهَا الَّذِينَ آمَنُوا إِنْ جَاءَكُمْ فَاسِقٌ بِنَبَإٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ}

Enyi mlio amini! Akikujieni mpotovu na khabari yoyote, ichunguzeni, msije mkawasibu watu kwa kuto jua, na mkawa tena wenye kujuta kwa mliyo yatenda

Na Mtume wetu S.A.W, anasema: Kufanya Mambo kwa utulivu kunatokana na Mwenyezi Mungu Mtukufu, na kufanya Mambo haraka haraka kutokana na Shetani. Na anasema Mtume wetu S.A.W:

Kufanya mambo kwa utulivu ni katika kila kitu isipokuwa kazi ya Akhera.

Tutambue kwamba tunahitaji mno kuijua thamani ya Serikali na kuyatanguliza Masilahi Makuu ya Nchi na kuzijua hatari zinazokuzunguka na ambazo tunakusudiwa kutumbukia ndani yake kama walivyotumbukia wengine na tukapitwa na fursa na zikawaendea maadui wa Dini na Nchi yetu. Na tuendelee kuwa na msimamo tukiwa tumeungana kwa ajili ya Haki, ili tusiangukie katika vitimbi vya Maadui zetu wanaotuwinda, na tueneze hali ya kujiamini baina yetu, na tushirikiane katika kila jambo la kheri ambalo matunda yake yanarejea kwa watu wote.

Ewe Mola wetu Mlezi tunakuomba utuwafikishe katika kutekeleza Haki za Nchi yetu, na uwalinde wananchi wote na viongozi wetu na Jeshi letu la Polisi na la Ulinzi, na Uijaalie Nchi yetu tukufu amani na usalama, maisha bora na utajiri, pamoja na nchi zote Duniani.